「相比身材、外表，智慧和個性更可以於職場發揮到魅力」Rebel Wilson的自信來源，女性要對自己外表感到滿意！

By Maggie on 23 May 2019

Digital Editor

就咁向大家提起澳洲演員Rebel Wilson，妳地可能未必醒起佢係邊個，但如果話俾大家知佢係《完美巨聲幫》裡而嘅「Fat Amy」，唔知大家又記起佢係邊個未呢？最近Rebel 主演嘅電影《圓美大盜》喺香港上映，同大美人Anne Hathaway以女老千身份驕盡衰男人錢。可能大家主觀地會認為Rebel Wilson嘅身型同外貌會同Anne 比下去，但只要睇過電影嘅朋友都會發現Rebel嘅魅力係不在於佢嘅外表，而係佢嘅自信！

1.「智慧同個性，相比身材、外表更可以於職場發揮到魅力」

最近，Rebel於宣傳電影時話到自己每次接到嘅角色唔係典型美女，但一般都係啲正面角色。佢都表示好樂意自己以正能量形象，為更多女生帶來生自信同快樂嘅信息：有好多年輕女生會因自己身材、外表而自尊受挫，我希望佢地知道智慧同個性比身材、外表更可以於職場發揮到魅力。

Photo from ig @ rebelwilson

2.「肥都係討喜的」

Rebel小時候係一個患有社交障礙症嘅小女生，媽媽為咗想佢可以打開心房接觸多啲小朋友，於是送咗佢去參加社區表演課。就係依次嘅經驗，Rebel慢慢知道表演係甚麼一回事，從少被大家忽略嘅Rebel開始喺人群中得到存在感，從此愛上表演。至此，長大後嘅Rebel就於大學同時修讀法律同表演。不過最初Rebel無打算要以喜劇演員路線進發，而係想演一啲嚴肅嘅角色：每當我表演甚麼角色都好，觀眾都會大笑。可能對於大家來說，不論從科學角度或主觀角度來睇，肥都係討喜的、可愛的，而胖嘅女生更比人一種咁嘅感覺。

Photo from ig @ rebelwilson

3.「每天醒來同自己講一聲我很美！」

由《完美巨聲幫》開始，Rebel因飾演「Fat Amy」一角後，體驗到電影中每個角色都代表了不同類型嘅女生，而每一個女生都各有不同魅力同美麗。自此之後，Rebel就知道美麗唔係外表咁單一，有時自信同自我認同更為重要：每天起身，我都會望著鏡子同自己講一聲我很美！因為我深信如果自己都唔認為自己漂亮，人地又點會覺得妳靚呢？

Photo from ig @ rebelwilson

4.「女性應該要對自己外表感到滿意，唔應該嘗試順應任何刻板印象，只要快樂與健康就可以了」

大眾一般都認為只要有身材瘦削，大大眼睛嘅女生先叫美女。Rebel便身體力行話俾大家知女生唔應該嘗試順應任何刻板印象。於是Rebel喺2015年參加MTV電影大獎時，著上象徵「女神形象」嘅Victoria's Secret Angels大翅膀上台致詞，佢以行動話俾大家知翅膀唔係只屬於超模嘅專利：女生應該要對自己外表感到滿意，唔應該嘗試順應任何刻板印象，只要快樂與健康就可以！