實用減肥app～只要輕輕一掃餐牌上食物，就可以知道有幾多卡路里！

減肥係每個女生畢生職業，一日食幾多餐、攝取幾多卡路里都係女生每日關注嘅問題。但大家都唔係專業嘅營養師，又無可能日日出街都隨都身攜帶電子磅計著今日食幾多嘢好～要有效率咁減肥真係一件難事！今日就同大家分享一個減肥App，只要下載app到手機後，輕輕一掃餐牌，就會顯示餐牌上嘅食物同飲品有幾多卡路里。好讓女生們自行分配一日餐單！

依個減肥App叫Eat Rite，佢之所以可以輕輕一掃餐牌就睇到哂餐牌上嘅食物同飲品卡路里，因為佢採用咗文字辨識技術。只要手機鏡頭捕捉到餐牌上嘅文字，程式就會顯示返內置了嘅相對應卡路里！程式仲會自動將唔同嘅卡路里數值分成唔同顏色，就好似綠色代表低於700卡路里、橙色代表700至1000卡路里、紅色代表超過1000卡路里。用家就可以一眼就分辨到食物係高卡路里定低卡路里。

Photo from App Store @ apple

Photo from App Store @ apple

程式仲會將早午晚3餐同零食細分，方便大家睇下自己有無攝取過多卡路里。只要將食物拍下，程式就會列明食物嘅路里、脂肪、膽固醇、鈉、碳水化合物包括糖份、蛋白質、維他命等。咁大家就可以記低一日嘅卡路里，又可以提醒用家剩下幾多卡路里攝取量，確保唔會攝取過多！

Photo from pinterest

Photo from pinterest

咁到底點先叫攝取過多卡路里呢？幾多卡路里又先叫正常呢？原來成年女性一日可攝取嘅熱量為2000卡路里。而每個人都會有一個屬於自己嘅BMR來維持身體每天嘅活動。要真係成功減到肥，就要攝取比自己BMR少嘅熱量。有興趣用依個減肥app嘅朋友不妨先計下自己嘅BMR，咁就事半功倍啦！以下就係BMR計算方法～

BMR(男)=(13.7×體重(公斤))+(5.0×身高(公分))-(6.8×年齡)+66

BMR(女)=(9.6×體重(公斤))+(1.8×身高(公分))-(4.7×年齡)+655

Photo from pinterest

Photo from pinterest

Text：TopBeauty Editorial

Photo source：Pinterest