睡眠好處多！充足睡眠不單止可以讓你輕鬆瘦下來，更讓你從這4方面由內靚到外～

相信你都已經聽過「睡眠減肥法」喇～其實瞓得夠，有良好嘅新陳代謝，唔單止可以輕鬆瘦下來，仲有好多你意想不到嘅好處呢！

Photo from aliaime @ ig

＃1 開朗，樂觀

長期瞓唔夠，心情差其實係有根據架～點解一瞓唔夠就會燥底，條氣郁啲就唔順？咁係因為睡眠不足令穩定精神嘅血清素分泌不足，當血清素濃度降低，就會令人心情鬱悶，睇咩都唔順眼而且會變得悲觀。你會發覺，如果瞓得夠，第二日心情會變開朗，樂觀，由此可見，充足睡眠會令你擁有幸福感。

Photo from kaman_kong ＠ ig

#2 肌膚飽滿，上妝更服貼

通頂捱夜之後，第二朝起身一照鏡你會見到毛孔現哂形，膚色黯沉帶點蠟黃，平時瞓醒唔會一面油，但瞓唔夠真係隨時變油雞！當人處於睡眠狀態時，肌膚會自我進行新陳代謝，女生最著緊嘅膠原蛋白同玻尿酸等天然美容成分，都喺我哋入睡後大量生成，因為有足夠睡眠，皮膚自然飽滿有光澤！

Photo from kelllycheung ＠ ig

#3 增強免疫力，少病痛

踏入流感旺季，如果你本身已經身體潺弱，瞓唔夠更加會令你更容易生病！有研究指出，睡眠不足會增加心臟病，糖尿病等。即使工作幾咁忙，都一定要愛錫自己有充足休息啊～

Photo from kelllycheung ＠ ig

＃4 提升工作效率

瞓得飽滿，可以增加工作效率，思緒反應更敏捷～根據非正式研究指出，有足夠睡眠嘅打工仔，畀老細鬧嘅機會降半！唔洗飲能量飲品己經可以爆seed做好工作，準時放工話咁易！

Photo from aliaime @ ig

Text：Girlslike Editorial

Photo source：Instagram