《還珠格格》20周年，揭開女主角們不老養顏秘密，根本和以前無分別，甚至變得越來越靚！

By Maggie on 14 Jun 2019

Digital Editor

《還珠格格》曾經係90後嘅經典回憶電視劇，劇中小燕子更可以話成為左個時大家心目中嘅偶像，雖然小燕子沒有聰明嘅頭腦，而且成日做事錯漏百出，成日搞到皇阿碼好生氣，不過就喺小燕子個份率直同可愛，於是成為皇阿碼嘅心頭好。今年適逢《還珠格格》20周年，飾演小燕子嘅趙薇同其他重要演員同以前相比，好似無老過咁，而且仲keep得好好，依家就同大家分享一下趙薇、林心如同范冰冰嘅不老養顏秘密啦！

#趙薇 - 小燕子

如今嘅小燕子已經43歲了，但臉上一點歲月痕跡都沒有，而且身材都無走樣～根本睇唔出係個生了孩子嘅媽媽！趙薇對於保養自己靚樣都非常有心得，平日不用工作時，佢都會以素顏示人，好讓皮膚好好休息。而且講到護膚心得，就是不停做保濕工作，於是敷面膜都係趙薇最常做嘅動作。

Photo from ig @ vicki_zhaowei

至於飲食方面，趙薇都十分注重食療。多於家裡煮嘢食，最愛蘿蔔肉絲炒飯，健康而且飽肚。另外，茶道都係佢興趣，閒時都會泡茶飲，飲茶對於女人來說係一大養顏恩物，除左可延緩衰老之外，亦可增強人體對脂肪嘅分解能力，保持身材苗條！

Photo from ig @ vicki_zhaowei

#林心如 - 紫薇格格

身為紫薇格格嘅林心如同20年前一樣美麗動人，唔講都睇唔出原來已經同樣43歲了。要keep住個靚樣，心如嘅心得就係要做足防曬，防止皮膚老化。和朋友外出見面，私底下都係以素顏見人，只係簡單塗上防曬便可以出門了。

Photo from ig @ loveruby_official

此外，心如最愛就係飲白酒，原來白酒有安神助眠作用，而且可通風散寒，只要飲用適量，對女人來說都係一大養顏恩物。除此之外，心如每日都會做運動一小時，運動後又只會食用白粥同生果，不但可出身體內嘅毒素，而且有瘦身功效！

Photo from ig @ loveruby_official

#范冰冰 - 金鎖

飾演金鎖嘅37歲女星范冰冰，從前只係個寂寂無名嘅小配角，如今經已走進國際大舞台，冰冰可以話係變越來越靚，美到就如一幅畫一樣。冰冰於不用工作時中，同樣以素顏嘅人，不過佢更誇張到不塗上一點化妝品就上電視見人，可見真係對自己素顏信心十足！

Photo from ig @ bingbing_fan

對於清潔皮膚，冰冰有一點係十分堅持的，就係要徹底卸妝！不容許有半點殘留化妝品留於臉上，否則只會令皮膚加速老化。而且佢仲好注重睡眠，一日至少要瞓10小時，睇來冰冰都好清楚，只要女人一唔夠瞓，真係會好容易變老變殘。另外，冰冰係個每日都要敷面膜嘅人，佢都曾經同女生分享過佢嘅保養大法就係每日都要大量為皮膚補水，亦曾經被人影到連外出逛街都要敷著面膜，唔知大家又會唔會效法一下佢每日敷面膜嘅方法呢？