韓妹瘋傳「新娘減肥法」，月減8公斤！遵守7個原則，不用節食輕鬆瘦

最近韓國就流行一套有傳係新娘婚禮前用嚟極速減肥嘅方法，指可以一個月瘦8公斤，聽落非常神奇，所以喺網上引起一翻熱烈嘅討論～而方法更係非常簡單，只要透過瘦身菜單同少量運動，一個月就可以輕鬆瘦落嚟！

# 每餐只吃6湯匙飯
早前由少女時代獨創嘅「湯匙減肥法」非常流行，唔少人都大讚呢個方法有效。每餐只係食6湯匙份量嘅飯，亦可用糙米、蕃薯等食物取代白飯，搭配以蔬菜為主嘅配菜，可以維持均衡營養嘅同時，又唔容易變肥～

Photo from Pinterest

# 完全禁止零食和酒類

大家都知道，糖類同酒精係減肥嘅敵人，而且高糖份會令體內新陳代謝變差，對身體同皮膚都非常有害，而且仲會更加你變肥，所以一定要遠離。

Photo from Pinterest

# 7點前食完晚飯 晚餐不吃澱粉

好多減肥成功嘅人都係晚上7點後唔會進食，因為人體喺夜晚嘅代謝能力比較差，所以我地要盡早食晚餐，減少攝取澱粉，以免吸收唔完嘅澱粉質會轉化成脂肪，引導肥胖。

Photo from Pinterest

# 以水果取代正餐

可以用水果取代正餐，但要注意水果嘅糖份含量，盡量以低糖為主，蘋果、奇異果、番茄仔、蕃石榴都係唔錯嘅選擇，仲可以改變排便問題。

Photo from Pinterest

# 以肉類取代主食

亦可以用肉類取代主食，不過注意只可以進食一人份嘅肉，而且要配搭蔬菜進食，同埋記得唔可以同碳水化合物一齊食用，因為會令身體更易囤積脂肪～

Photo from Pinterest

# 易水腫的人要減少水分攝取

雖然減肥嘅時候係應該要多飲水，但其實容易水腫嘅人係可以減少水分攝取，尤其係晚上代謝能力比較慢。或者平時可以多飲利尿排水嘅飲品，幫助消除水腫。

Photo from Pinterest

# 適當運動

最後，減肥當然唔少得運動，每星期做2-3次，每次10-30嘅運動，就可以令減肥效果更佳！

Photo from Pinterest

Text：TopBeauty Editorial

Photo Source：Pinterest