外敷內服才是現代的護膚方式。平價食材美容效果媲美燕窩，桃膠雪蓮子等同30張面膜
時下嘅女性愈來愈注重養生，堅持外敷內服雙管齊下，先可以發揮到最大嘅功效。不過如果要日日食燕窩養顏，可能就未必每個人都負擔得起，而坊間其實有不少「平價燕窩」，價錢便宜好多倍，但美容功效絕不遜色。就以早前大家熱捧嘅桃膠為例，識得搭配功效可以大大倍增，姊妹們一定唔可以錯過～
Photo from Pinterest
# 桃膠
桃膠其實係一種固體嘅天然樹脂，含有豐富嘅氨基酸，可以促進膠原蛋白被人體吸收。因為價錢相當便宜，所以大受女士們喜愛，亦有唔少商家為迎合女性需要將桃膠加入飲品之中～桃膠食落其實好似啫喱，煙煙韌韌，好有咬口。至於功效方面，能夠滋陰養顏，而且對於潤腸好有幫助，可以解決排便問題，自然能夠減肥同提升皮膚質素。
Photo from Pinterest
# 雪蓮子
雪蓮子其實係桃膠嘅好拍檔，兩者配合可以令養顏功效倍增！雪蓮子係皂角入面嘅果實，含有豐富蛋白質同氨基酸，而且纖維素高，可以有助排毒，除咗可以提升抵抗力，仲有抗衰老嘅作用～
Photo from Pinterest
將炆燒杯加入滾水，將快速浸泡過嘅桃膠同起雪蓮子放入去，然後蓋上焗1個鐘，就完成，製作非常方便。
材料（2碗份量）：
1. 雪蓮子 16粒
2. 桃膠 8粒
3. 紅棗 10粒
做水：
1 先將雪蓮子、桃膠用水浸泡6個鐘，洗乾淨備用。
2 紅棗洗乾淨後，開邊去核。
3 乾百合浸水10分鐘，然後沖洗。
4 凍水落桃膠、紅棗、龍眼乾、乾百合，以大火轉中火煲半個鐘。
5 最後加入雪蓮子，以中火煲多5分鐘。
Photo from Pinterest
# 雪燕
雪燕嘅名聽落好似燕窩，而且口感都非常相似，但價錢卻是親民得多，只係大約燕窩嘅十分一！ 雪燕其實係由雪燕樹嘅分泌物凝固而成，有滋陰潤肺、美容排毒嘅功效，能夠改善腸胃，幫助身體排毒，令皮膚可以散發光澤。
Photo from Pinterest
# 雪耳
最後，當然唔少得大家都認識已久嘅雪耳。原來雪耳係寄生喺朽腐嘅樹木上嘅真菌，聽落有啲嚇人，不過美容功效卻是非常出色。佢含有豐富膠原蛋白，以及多達17種氨基酸，能夠促進新陳代謝，同埋令肌膚維持水份同彈性。
Photo from Pinterest
原來要養顏唔一定要花大錢，由今日起做到外敷內服，真正由內靚到外啦！
Photo from Pinterest
更多相關文章：
