不敗玻璃唇登場！ YSL 炫彩水唇釉 WATER STAIN超美唇色〜超持久吻後不留痕！
由唇膏演變到唇彩再去到近年嘅唇釉，可以話係美妝界嘅一個演變進程，不過對女生嚟講其實係多一個敗家嘅理由（笑）無錯！YSL又推出新嘅唇妝產喇～今次又有無燒著你？
全新系列YSL炫彩水唇釉 WATER STAIN，先唔講有咩特點，淨係論顏色已經夠晒吸引！全系列一共有17種色調，由粉嫩嘅櫻花粉紅、珊瑚色，時下大熱嘅奶茶色，標誌性嘅大紅唇色，去到秋冬必備嘅紫紅色通通有齊，叫選擇困難症患者點揀好！！
而小編個人私心推薦就係N617色號，帶上淺啡色調嘅粉紅色，混合上玫瑰同奶茶色，非常有顯白效果，自然嘅色調令妝容親和力UP！
YSL Water Stain加入40%水精華，搽上嘴有著滿滿嘅滋潤感，又一驚喜位係會感覺到極之輕盈嘅水狀質感，對嘴唇完全無負擔又做到好juicy嘅玻璃唇效果～搽一層顏色會比較清透，好適合日妝，而想顏色飽和實色啲，相隔30秒再疊加塗搽可以鎖緊唇色，而且效果出奇地持久，就算飲完嘢都唔會殘留唇印，真正嘅「一吻不留痕」啊～
今次嘅唇釉嘅淡紫色玻璃方管設計，可以透過玻璃樽身透視唇釉顏色。打開唇釉，波浪型唇刷好fit嘴型，無論唇山、嘴角都可以完美勾畫出嚟，就算化妝新手定手殘女都駕馭得到！
YSLVERNIS À LÈVRES WATER STAIN 全17色 HK$295
相關影片：
更多相關文章：
Text：LaamLaam IP
Photographer：Felix Leung
Videographer：Felix Leung & Kason Tam
Video Editor：Felix Leung
Model：Daisy Cheung
