踢走內分泌失調！女生必知的3招「內分泌調整法」加好味食譜，肥胖暗瘡從此遠離你～！

香港生活繁忙又節奏快，加上經常吃外食、夜訓等，女仔一唔小心就會擾亂身體內分泌，導致身形變得肥胖、皮膚暗瘡出唔停等問題出現，想調整好內分泌就要試試以下呢5個生活原則，身體比任何事都重要啊！

1.每日都要泡澡或浸腳

用熱熱嘅水泡澡（家中冇浴缸可轉為浸腳），除咗可消除一日工作嘅疲勞外，更可藉著流汗驅走寒氣、排走身體累積嘅毒素，身心得以放鬆對調整自律神經很有效！每晚浸個15-20分鐘就可以，抺乾水後塗上潤膚乳液，輕輕按摩小腿同大腿肌肉，更有助排走水腫～

2.絕對不可以熬夜

令內分泌失調嘅其中一個重要因素就係睡眠時間不足！訓覺係身體進行修復工作嘅時間，唔夠訓或訓得唔好都會令新陳代謝率減慢，一晚唔訓就會打亂生理時鐘，從以擾亂內分泌，所以女人一定唔可以熬夜！

3.飲食要新鮮、高蛋白

現時外食都含大量味精、防腐劑等化學添加物，呢啲人工嘢除咗會引致肥胖問題，更會影響到內分泌！另外，酒精、咖啡因、糖、快餐等都會對身體造成壞影響，絕對要少食為妙！

想令內分泌維持正常你要記住呢句口號「最原始、最新鮮」，意思係你要食最原始未經任何人工加工嘅新鮮食物，呢類食物先提供到身體需要嘅營養，而且要高蛋白質，所以平日要多攝取果仁、海鮮、瘦肉及蔬菜～

4.睡前不使用任何電子產品

電子產品如電話、平板電腦等，若喺休息時或睡前使用，會刺激腦部令其過度活躍，令人無法真正放鬆及入睡！唔想干擾到自律神經嘅運作，休息前或睡前1個鐘要避免使用電子產品～

5.運動（別逃避啦，這個一定要）

運動對調節內分泌系統十分見效！適量運動有助加快新陳代謝、訓練肌肉，更可令腦部釋放多巴胺，有助減壓抗抑鬱，一星期至少要做3次、每次半個鐘嘅帶氧運動！

調整內分泌的好味食譜分享

1.海帶豆腐湯

海帶有助補充碘，豆腐則含植物雌激素有助改善內分泌失調。

材料：豆腐200克、已發水海帶200克、蔥少許

• 先將乾海帶浸水過夜
• 第二日豆腐切成小細，將一鍋水煮滾後落豆腐、海帶、蔥煮8分鐘
• 下鹽調味即可

2.黑豆豆漿

黑豆豆漿有助調節雌激素，減低患上乳腺癌、卵巢癌等機會，更有助延緩衰老。

材料：黃豆50克、黑豆20克、黑米20克

• 黃豆及黑豆先用清水浸泡6-8個鐘，黑米則浸泡2個鐘
• 將所有食物放入豆漿機攪勻即可

3.牛油果花生醬多士

牛油果中嘅不飽和脂肪有助保持荷爾蒙平衡，維他命E提高身體修復能力，花生醫則含豐富蛋白質。

材料：牛油果半個、花生醬1茶匙、全麥方包1塊

• 牛油果切半，用匙羮壓碎
• 將花生醫先塗滿全麥方包
• 加上牛油果碎即可

4.紅棗雪耳羮

紅棗補血力強勁，雪耳則有助補充膠原蛋白，兩者配搭有滋陰功效，對女性很好！

材料：已發水雪耳20克、紅棗50克、杞子10克、冰糖少許

• 雪耳提前一晚發水後，剪去黃色梗備用
• 紅棗洗淨後切半去核、杞子洗淨備用
• 取一大盎放入7 個量米杯嘅水，再加入雪耳先煮滾，轉細火30分鐘
• 加入紅棗杞子細火煮20分鐘
• 加冰糖調味即可

Text：Girlslike Editorial

Photo source：Pinterest