化別人恥笑成動力！澳洲XXL女生花11個月減走半個自己！勵志地由127kg激減至63kg，正妹潛力股無誤～
極端瘦同極端肥兩者都唔靚係公認嘅事實，特別係針對青春少艾，骨肉均稱帶一點baby fat先係最perfect～對於呢位只有18歲嘅澳洲少女 Josie Desgrand，你必定會羨慕佢玲瓏浮凸好身材，但正妹背後就係一個超勵志嘅減肥故事！
Photo from nolongerfatjosie ＠ ig
兩年前曾經係一名127 kg 雙加大碼女生，因為暴飲暴食關係，令佢一次又一次減肥失敗，以及周旋喺瘦下來與打回原形之間。當時只有16歲嘅Josie都因為過重原因，令佢同學言語欺凌同人身攻擊，一切不愉快經歷令 Josie逐漸失去自信，而且一直處於抑鬱狀態。直到2017年，Josie 下定決心認真減肥，一步一步喺減肥之路上努力。
Photo from nolongerfatjosie ＠ ig
首先 Josie放棄採用低碳水化合物兼無糖飲食，戒走一切垃圾食物同加工食品，又督促自己增加每天日嘅飲水量。除咗飲食上進行「革命」外，Josie 開始認真訂立並實行運動大計，佢亦改埋家人生活習慣，令一家人都可以投入佢嘅減肥計劃中，爸爸媽媽會陪Josie 踩單車，跑步等等，有咗屋企人嘅鼓勵，Josie 好快就減走37kg 肥肉。
Photo from nolongerfatjosie ＠ ig
當時佢只係單純控制飲食，不過其後發現因為快速瘦下來，令皮肉鬆垮垮，就開始走到健身室跟教練做gym，重點強化肌肉，又透過IG分享自己飲食同減肥進度，現時ig上已經儲咗過7萬名追蹤者～
Photo from nolongerfatjosie ＠ ig
因為有重力訓練關係，從前皮肉鬆垮垮情況而家都一而去，換來緊實又有曲線線條嘅體態美！厲害嘅係Josie 喺11個月內成功再剷走60kg ，由127kg激減至63kg，如今已經係回復美女身段～
Photo from nolongerfatjosie ＠ ig
Josie聰明地喺減肥過程中影低身體各部位嘅相，又用捲尺詳細記錄各部位嘅成績，每一次嘅小進步，方便檢視自己改變之外，同時係對自己可以繼續堅持嘅動力。
Photo from nolongerfatjosie ＠ ig
曾聽無過數冷言，受盡白眼，Josie以不受歡迎過來人喺ig上分享佢嘅減肥點滴，更表示：「要相信你真的可以減肥成功，這並不容易，但唔係不可能的任務，唯一可以讓你改變嘅，只有你自己！」
Photo from nolongerfatjosie ＠ ig
成功瘦身後，找回的唔單止係美貌同自信，佢嘅媽媽更表示佢找回自己嘅人生。Josie喺ig鼓勵大家要多愛自己，無論遇到任何困難，永遠都唔好放棄改變自己嘅希望～
Text：Girlslike Editorial
Photo Source：Instagram
