子宮就是美麗根源~輕熟女要學定這招傍身!日本瑜伽老師大推這個動作正子宮—預防經痛、子宮肌瘤 !

子宮就是美麗根源~輕熟女要學定這招傍身!日本瑜伽老師大推這個動作正子宮—預防經痛、子宮肌瘤 !

Health and Fitness Exercise
ByMichelleon09 Jul 2019Digital Editor

子宮係女人keep住年輕嘅秘密,但現代人飲食、作息唔定時,加上OL久坐唔運動,都會容易令骨盤同髖關節附近嘅肌肉變得僵硬。再加上隨住年紀愈嚟愈大,女性荷爾蒙會慢慢減少分泌,引致各種「女人病」同身體不適。日本瑜伽老師tamayo大力推廣一個正子宮嘅瑜伽動作,表示可以增加分泌女性荷爾蒙、改善生理痛同預防泌尿系統問題,輕熟女必學!

Photo from misselvani @ ig

正子宮重要性

之所以要正子宮,係因為唔正嘅骨盤,會令激素失去平衡,除咗有機會影響子宮健康,嚴重者更會造成內臟下垂!如果你都有輕微嘅經痛症狀、m期唔準、就要開始注意自己嘅子宮健康喇,疾病始終要防患未然~

Photo from ai.indigo.mom @ ig

一個動作正子宮、打開骨盤

日本瑜伽老師tamayo表示,女性荷爾蒙係女性美麗根源,但無奈30歲後,荷爾蒙就會慢慢減少。女生多練習以下動作,就可以有助於增加分泌女性荷爾蒙。另外,以下動作仲有助改善便秘、打開骨盤,從而提高血液循環、改善m痛,可以話係一舉幾得!輕熟女生唔好恃住仲有青春,忽視子宮健康重要性呢~

方法1

先坐喺地上或床上,腳掌對腳掌,拉鬆髖關節,初學者可以先嘗試呢個動作,合埋腳板後,慢慢將大脾向下壓,大腿內側會有拉扯感覺。

Photo from honeyvixenyoga @ ig

方法2

適應咗第一個動作後,就可以將身體慢慢向前伸,如果想增加伸展度,就可以將手放喺前面向前伸~

Photo from vaclava.luskacova @ ig

初學者如果柔軟度不佳,可以加一個枕頭放喺自己兩膝之間作輔助~每個動作停留1-2分鐘就可以~

Photo from hjartkompaniet @ ig

方法3 

日子有功,已經係進階者嘅女生,以上動作都難唔到你嘅話,可以試下做呢個動作嘅時候,將手伸入腿中,加深伸展。又或者將雙腿向前拉,順道伸展腰部,都係一個有效正子宮嘅動作呢~

 在 Instagram 查看這則貼文


Share to Facebook