肥胖竟是因為太認真工作？！研究：越認真工作越易肥，你易肥的原因也許就是這個～！

平日做嘢成日坐Office，搞到肚腩大Pat又大，體質變得飲啖水都會肥！其實未必係因為你冇做運動嘅關係，可能係你太認真工作導致你變肥，養成錯誤飲食習慣，即使唔暴飲暴食都會肥！

最近英國有一項研究發現，平日越認真工作嘅人，越容易變肥！因為平常面對沉悶工作又加上壓力大，呢個時候好多人就會隨手拎起零食嚟咬，大部分零食如薯片朱古力都屬於高脂高熱量食物，每日食當然容易變肥啦！

另外好多人都有一邊食飯一邊工作嘅習慣，咁樣其實係會分散注意力，令你無法專心進食，大腦無法順利接收到飽肚訊息，因此會容易令人食得特別快或特別多！

英國布裡斯托爾大學嘅研究人員邀請咗44位參與者，並將佢地分為兩組：一組咩都唔做只專心食飯，另一組則一邊玩牌一邊食飯，結果顯示專心食飯的一組食得比較少，而一邊玩一邊吃飯的一組唔只食得多，證明食飯一定再專心先可以避免進食過多！

另外喺食完飯30分鐘後，玩電腦遊戲嘅人比專心吃飯嘅人食更多零食！更嚴重的是，當研究人員要佢地回想午餐食咗咩同食物嘅上餐順序時，玩遊戲嘅人要用更長時間才能諗得返起！所以如果邊工作邊食午餐，除咗會令午餐食過快過量外，下午茶時間也會食掉好多零食！

所以OL們記得以後食飯一定要專心，唔好狼吞虎嚥，慢慢咀嚼食物（每啖至少20-30下）先好吞落肚啊！

Text：GirlsLike Editorial

Source：美國臨床營養學期刊

Photo source：Pinterest