林依晨的獨門養生減肥法，不單令她瘦了10公斤，還解決水腫、擁有好氣息！

從《惡作劇之吻》到《老男孩》再近期熱播劇到《小女花不棄》，林依晨的美貌並冇被歲月沖淡，反而多了一份嫵媚動人的女人味，這不只靠佢個人的內在修養，女神曾因工作繁忙而生過一場大病，因此研究出一套獨門的養生減肥法，令身材一年比一年更fit，由53公斤減到43公斤，皮膚更白滑如剝殼雞蛋！

#1 食物按寒熱性質分類

林依晨會把食物按寒熱性質分類，也會挑時間進食，例如水果偏寒不宜早上空腹或晚上進食，林依晨曾表示：「我的體質比較寒，水果天冷或晚上都不適合，所以白天分兩次吃，中餐前半小時吃一次，晚餐前把全部吃完。」所以佢會選擇喺中午同下午等身體較暖和嘅時段食蔬果。

平日佢亦會盡量避免進食寒性食物例如瓜類、綠豆、魚生、冷飲、沙律等，避免身體長期處於寒底，減慢新陳代謝率，更會造成水腫問題！

#2 只吃用葡萄籽油炸的食物

林依晨為咗減肥試過4年都冇食過鹽酥雞，因為煎炸食品會令身體累積毒素，有增磅機會更會傷害到皮膚！不過，林依晨就話佢冇完全戒晒所有煎炸食品，而係只食用葡萄籽油炸出嚟嘅食物，因為葡萄籽油沸點高達190度，用來油炸食物不易產生毒素～

#3 晚餐不吃澱粉和菜葉

身體在黃昏後新陳代謝會大幅下降，所以一旦吸收過多熱量就會使脂肪囤積，林依晨嚴格尊守晚上唔食澱粉質，連食蔬菜都只食偏熱性如紅蘿蔔、花椰菜等等，食菜心等時更只會食菜莖唔食菜葉，佢解釋：「葉子類偏寒，晚上吃容易阻礙循環，對減肥有害無利。」

佢平日亦有固定睇中醫調理身體，閒時會請醫師開藥，並將消水腫的生薑、桂枝等加入煮來飲。

#4 盡量吃不加工食物

林依晨表示吃食物盡量著重天然：「最簡單的方法就是只吃食物原貌，盡量避免加工食品；包裝上若有看不懂的成分，也盡量不要購買。」

平日三餐中佢會加入大量唔同顏色嘅蔬菜，佢鍾意食生菜、西芹、白綠花椰菜、胡蘿蔔、甜菜根，炒心菜、高麗菜等；水果至愛是蘋果、葡萄、芒果、荔枝、草莓、柿子、菠蘿、櫻桃等。”

#5 只要能走就不坐車

林依晨會爭取每一分一秒讓身體動起來，只要能走就唔坐車，假日亦會特地約媽媽散步、遛狗等等，目的係每日行夠一萬步！身體有足夠嘅活動量唔止可以消耗熱量，更可活動筋骨令人望落更精神，好氣息就係咁得來！

Text：GirlsLike Editorial

Photo source：Pinterest, Weibo