懶惰瘦身不是夢～6個減肥小秘訣，連飲水都可以減肥！其實減肥比妳想像易！

減肥係女生嘅終身職業。只要下定決心，就可以有無比嘅動力瘋狂做運動，甚至忍口節食。但妳有無諗過其實妳一直用錯方法減肥呢？只要喺日常生活中留意以下嘅小細節，妳就會發現其實減肥無妳想像之中咁難，甚至可以話懶惰瘦身不是夢！

1.一定要食早餐

有無食早餐同減肥成唔成功有一個好大嘅直接關係，因為一份有營早餐係可以有效提升新陳代謝。如果一直都無食早餐嘅習慣，新陳代謝就會變慢，從而令體內嘅脂肪容易囤積，所以為咗瘦，妳都係食早餐吧！

Photo from ghlchan@ig

2.用餐比例要得宜

記住七成飽嘅法則！每次食飯只好食到七成飽～咁樣做可以減少吸入過多熱量。另外每一餐都要有1/2份量係蔬菜，因為蔬菜熱量低而且有飽肚嘅感覺。

Photo from natalietong53@ig

3.以全穀類代替澱粉質

相信好多女生都知道澱粉質易肥，所以都會儘量少食澱粉質或者戎澱粉質。但其實只要以全穀類食品代替澱粉質就可以，例如以全麥麵包代替白方包，高纖多而且低熱量，係減肥飽肚恩物。

Photo from aliaime@ig

4.多飲水

飲水除咗可以促進代謝循環，亦有研究證實每日飲多過約240~720cc水（即約多過三杯水），就可以減少起碼200卡路里。所以飲水減肥不是夢！

Photo from _katetsui@ig

5.要有充足嘅睡眠

曾經有個好有趣嘅研究話只要一日訓夠7個鐘，身體裡面嘅飢餓素會下降而瘦體素就會上升。飢餓素下降咁妳就會少咗機會覺得肚餓，而瘦體素上升即係妳嘅代謝率加快咗，可以加快消滅體內嘅脂肪。

Photo from kungkaty@ig

6.進食要分次序

先食蔬果，後食肉，最後再食飯～唔好睇小依幾個簡單嘅步驟！先食蔬果可以增加飽肚感，如想食生果就係食飯之前食。而肉類同飯相比，碳水化合物係比較容易致肥，所以放到最後先食。可能未食到最後嘅白飯，話唔定妳已經飽到唔想食啦～

Photo from elaine_yiu@ig

Text：GirlsLike Editorial

Photo Source：Instagram