跟著吃就會瘦！不同血型飲食減肥法～A型適合素食，B型可以「雜食」，O型應多吃肉，AB型可多吃海鮮～！
有人話減肥係女人嘅終身事業，上網搜尋「減肥飲食法」可謂多不勝數，例如有「斷糖飲食法」，以及時興嘅「生酮飲食法」，你又知唔知原來血型都同減肥息息相關？其實「血型減肥飲食法」早就由Peter J. D'Adamo博士係《Eat Right For Your Type》中提及過，佢指出唔同血型會決定身體對食物嘅吸收程度，跟著自己血型選擇飲食除咗更健康長壽，更有助達到理想體重！而有外國網站就總結出唔同血型嘅飲食法，快啲睇下自己有冇一直都食錯咗！
Photo from ig @ Judy.kwong
A型
A型血嘅人最適合做素食者，Peter J. D'Adamo博士指出A型血嘅人胃酸水平通常都比較低，消化動物蛋白質及脂肪會比較弱，所以A型人士應該以碳水化合物和蔬果為主食，另外攝取植物性蛋白質例如豆腐、豆漿等，亦可以間中吃海鮮或雞肉～A型人士若果想減肥盡量唔好食難消化嘅肉類，糖類都要盡量少碰，更加要避免過度劇烈嘅運動，瑜珈等放鬆身心又平靜嘅運動就最適合了～！
Photo from ig @ vvyeo
B型
Peter J. D'Adamo曾提過B型人係「雜食動物」，佢地可以選擇多樣性食物，包括肉類、海鮮、蔬果、穀物等（感覺好像最自由！），B型人對於消化豐富食物嘅能力較好，應該盡量平均攝取植物及動物性蛋白～但若果B型人想減肥，可以多吃蔬果或海鮮，另外亦適合「規律性運動」，例如打羽毛球、慢跑都係唔錯嘅選擇～！
Photo from ig @ tracytschu
O型
O型係人類中最古老嘅血型，比起其他血型，O型血人更容易消化動物蛋白質，而且佢地胃酸水平高，非常適合攝取大量嘅魚類或肉類，唔想變肥的話應該多吃脂肪少嘅牛肉或羊肉，海鮮和蔬菜都可以吃，但難消化嘅小麥或粟米就要避免了～O型人士適合各類體能運動，例如跑步、游水、踩單車等，但一旦停運動就會容易出現心煩、消極狀態～
Photo from ig @ laurinda_ho
AB型
Peter J. D'Adamo認為AB型人士應該遵從「少食多餐」飲食法，有助消化系統發揮最好嘅功效，應該多吃綠葉蔬菜、海鮮、雞蛋、豆類食品，如果想瘦就要避免吃碳水化合物、加工肉類，另外咖啡、酒精飲品都要少飲為妙～AB型人士無論動態或靜態運動都適合，想瘦就要避免長時間安係度啦～
Photo from ig @ natalietong53
Text：TopBeauty Editorial
