在愛情面前做個聰明女人！再愛一個人也不能將就的5件事，談戀愛也不失自我～

作為聰明嘅女生，面對愛情都唔能夠失去自我，若果你對對方千依百順，有時反而會令自己失去原來嘅魅力，就好似以下呢5點，就算你有幾愛一個人，都千萬唔可以將就！

# 不能改變自己的打扮和喜好

就算你已經有交往對象，都唔可以放棄打扮自己，每一個人都鐘意靚嘅事物，將自己打扮得乾乾淨淨、好好睇睇，對你地嘅關係或者對你自己本身都會有好處～更唔好因為對方而改變你嘅喜好，你有你嘅風格，有你鐘意嘅野，如果你完全按照對方嘅喜好而改變，到頭來你會開心咩？

Photo from Pinterest

# 不能放棄自己的興趣

有好多人拍拖後，都會花好多時間喺對方身上，日見夜見，完全放棄自己嘅興趣同私人時間～但係興趣可以培養一個人嘅魅力，有自己生活嘅女人先係最迷人，所以千其唔好因為拍拖而放棄興趣！

Photo from Pinterest

# 不能疏遠自己的朋友

你嘅戀人可能會不斷來來去去，但朋友卻係可以陪你一世～唔好因為對方同你嘅朋友相處唔嚟，或者因為忙於拍拖，而捨棄你原來嘅交友圈～

Photo from Pinterest

# 不能改變自己的價值觀

每個人都有自己嘅原則，如果為咗同對方一齊而無限壓低自己嘅底線，一啲明明本來接受唔到嘅野都要勉強自己去接受，咁到頭來最痛苦嘅只會係自己，而且男方亦會越來越放肆，一個無咗屬於自己價值觀嘅人，就好似無靈魂嘅人一樣～

Photo from Pinterest

# 不能放棄事業

現代女性，已經同舊時唔一樣，一定要有自己嘅經濟能力同事業，先唔會被人睇少，唔需要睇人面色，自己想要咩就要咩，靠自己生活。

Photo from Pinterest

Text：TopBeauty Editorial

Photo Source：Pinterest