M到做運動的迷思～經期做對這3種輕型運動，舒緩子宮不適、回復體態！

雖然話M到唔係每個女生都會有好強烈不不適感，根據個人體質，大家嘅痛楚程度都唔同。與其靠止痛藥改善疼痛症狀，其實女生們都可以多做運動舒緩不適。小編為大家推薦3種生理期適合做嘅輕型運動，記得動作唔好太大，量力而為哦～

Photo from from Pinterest

生理期嚟既時候成日都覺得心情唔好，咩事都唔想做，成日人都懶懶散散無動力。其實有需要嘅能量來源就係運動！適度運動可以令你保持愉悅心情，仲有助舒緩經痛的症狀～

＃1 瑜伽

M到頭一、兩日，出血量多，女生可以透過瑜伽放鬆下半身。瑜珈動作可以針對下腹、下背腰部分，做加強伸展，令到子宮得以放鬆。另外，亦可以做一啲外臀肌嘅伸展動作，因為外臀肌僵硬會令下背身體更痠痛。

Photo from from Pinterest

女生要記得避免做倒立、扭轉嘅瑜珈體位，因做倒立時，腹部需要好大力氣，而喺做扭轉時，有可能會擠壓到腹腔內嘅卵巢，記得多加留意～

Photo from from Pinterest

＃2 游水

如果平日有游水習慣嘅女生係可以放心去游水架～由於女性陰道口正常狀態下係封閉，所以女生們唔需要擔心泳池水會流入，造成感染～女生要記得使用衛生棉條時﹐要頻繁更換，保持衛生～

Photo from from Pinterest

＃3 慢跑

跑步一向對身體有多多好處，女生可以透過慢跑改善m到時焦躁、易發脾氣嘅情緒，因為慢跑可以提高血液中嘅色胺酸。如果無慢跑習慣，又或者係m到時會有嚴重不適嘅女生，建議放慢速度或者減少里數，如果唔係有機會對盆骨造成負擔，導致更加不適。

Photo from from Pinterest

Text：TopBeauty Editorial

Photo source：Pinterest