臉蛋變大，五官變「置中」？ Pizza面不是天生～避開這5個日常生活習慣找回巴掌小臉！

有無覺得自己嘅臉愈嚟愈大？其實隨著年紀，膠原蛋白流失，會導致脂肪積聚，令到面上嘅皮膚出現鬆馳，塊面睇落就會大咗好多！除此之外，都有好多人係因為水腫而令到成塊面嘅線條消失，臉自然就會顯得更大！但如果你本身塊面肉唔多，又唔腫，但望落依然好大，咁就可能係因為成日做以下呢5個生活壞習慣啦！

Photo from mayannefans ＠ ig

了解臉屬於哪類肥胖

1.脂肪型

全身肥胖，唔單止會呈現喺四肢，塊面最容易堆積脂肪，所以只要通過減肥令到體重下降，塊面就會跟住瘦。

Photo from mayannefans ＠ ig

2.水腫型

面部血液唔循環，就會出現浮腫嘅情況！但呢一種唔係真正嘅肥，通過淋巴按摩方法可以消腫瘦臉

Photo from joyfulck @ ig

3.骨骼型

如果你天生面部骨骼偏大，不論怎麼瘦都不會讓臉變小。這時候可以通過化妝修容的方法，從視覺上縮小臉部輪廓。

Photo from sammkoling @ ig

4.肌肉型

面嘅咀嚼肌發達，都係導致肥臉嘅重要原因。唔好食香口膠、堅果等等可以鍛煉咀嚼肌嘅食品，堅持臉部按摩都可以起到好好嘅改善效果。

Photo from koonella ＠ ig

壞習慣一：長期趴著睡覺

趴喺到瞓覺會處於被壓迫嘅狀態，唔單止會出皺紋，仲會令面部變形，如果你唔能夠仰臥瞓，至少要左右兩邊交替咁瞓。

Photo from from Pinterest

壞習慣二：用嘴巴呼吸

睡著嘅時候，好多人會無意識咁用個嘴呼吸，影響到鼻同埋個嘴嘅形狀以及牙齒咬合！久而久之仲會令到舌頭前傾，下巴會不自覺變形。

Photo from from Pinterest

壞習慣三：過度使用咀嚼肌

過度使用咀嚼肌會導致肌肉發達，成日咬香口膠、食堅硬嘅食物，咀嚼肌變成肌肉，臉都會跟住變大！適當鍛練咀嚼肌會有助瘦臉，不過唔建議時間過長。

Photo from from Pinterest

壞習慣四：面缺乏運動

身體缺乏運動都會變肥，面部當然都一樣！成日面無表情，會令你塊面囤積脂肪，不妨試下多做嘴部運動，活動一下面部嘅肌肉，同時可以簡單按摩面部促進循環。

Photo from wongtsuiyu @ ig

壞習慣五：熬夜

熬夜會令淋巴循環不良、代謝唔好，攝取過多水分或者血液循環不良等等因素都可能會造成水腫～飲紅豆水、黑咖啡都可以有助緩解水腫，每朝按摩塊面，可以減輕浮腫。

Photo from choisaaaa @ ig

Text: Girlslike Editorial

Photo  source: instagram