感情危機大多是「7年之癢」？研究：第4年最多情侶分手離婚～現代人最害怕「感情無聊」！

「7年之癢」係唔少情侶、夫妻要面對嘅問題，由於相處日子耐咗，激情終歸回到平淡一天，部份人會視安穩為「悶」、「乏味」，因而轉化成外遇危機或其他婚姻問題。但原來要捱過「7年之癢」已經唔入流！英國就曾經有研究指出唔洗7年，其實只要1年，男人就會有可能作怪！

Photo from db.film @ ig

美國羅格斯大學研究指出，4年之癢先係最有可能發生嘅感情危機！生物人類學教授Helen Fisher進行咗一項統計調查，指雖然人嘅平均婚姻年數係7年，但係最多人離婚嘅時間就係第4年～另一項嚟自Larry A. Kurdek嘅研究，喺500幾對夫妻同情侶入面，佢發現戀愛關係嘅第一個轉捩點就係第4年，而第7年就係第二個。

Photo from the Pinterest

Helen就用歷史同生物科去解釋呢個現象，佢話哺乳動物唔會永遠都同伴侶痴埋一齊，大約喺第4年後完成生育同養育嘅責任之後，就會放任對方獨自生活，或者係尋找其他伴侶繼續繁殖～

Photo from from Pinterest

Helen指人類都有相類似嘅行為，夫妻喺結合4年之後，就會傾向去尋找其他伴侶結合然後再生小朋友，呢個係佢地為咗增加後代遺傳多樣性嘅傾向行為。

Photo from from Pinterest

而「7年之癢」，奧地利就有哲學家提出理論，話7年對人們嚟講係一個週期（7-year cycle），即係人嘅身體或者心理上每7年就會產生變化，就好似戀愛同婚姻關係嘅改變等等。

Photo from from Pinterest

除咗用生物學去解釋之外，Helen話現代人唔單只比起上一代人更長壽，仲對戀愛同婚姻存有唔一樣嘅睇法～現今世代嘅人成日為咗浪漫而結婚，好多人抱有婚姻唔不一定係一生一世嘅心態，離婚同分手就自然變得好隨意。

Photo from from Pinterest

其實當人唔識得珍惜關係嘅時候，分開就會變得好輕易，根本唔洗等到7年，都會有好多大大小小相處問題出現～而戀愛呢回有好多宜變數，就算去第4年或者第7年都唔代表一定會出現所謂嘅「關口」。

Photo from from Pinterest

加拿大溫尼伯大學就曾經向88對伴侶做過研究，喺訪問入面得知多達70種對於「感情無聊」狀態嘅描述，由此可見沉悶感情生活係最困擾情侶相處嘅問題之一！

Photo from from Pinterest

假如現代人覺得比起一生一世嘅契約，追求浪漫更為重要，咁不妨試下努力去維繫情侶之間嘅新鮮感，學識去製造多啲浪漫，多關注同用心或者可以解決唔少相處問題～

Photo from from Pinterest

其實4年、7年都只不過係一個數字，最重要嘅係兩個人要學識珍惜同維繫關係，一生一世或者一啲都唔難！

Text：Girlslike Editorial

Photo source：Pintesert, Instagram

Source: The New York Times、huffingtonpost