女人要愛錫自己身體！女性必吃5大護子宮食物，遠離女人最怕的婦科疾病～

子宮健康係每個女人都關注嘅問題，除咗要定期做檢查，減少食寒涼食物之外，其實仲可以多食一啲有助護子宮嘅食物。今次小編就推介大家，以下幾種食物，對護子宮好有幫助，可以減少患子宮肌瘤、卵巢癌、子宮癌機嘅率，仲能夠修復子宮創傷，愛錫身體嘅你地一定要留意呀！

# 紅蘿蔔

有英國營養專家發現，每周平均吃5次紅蘿蔔嘅女仔，患上子宮癌嘅機會比普通女性低50%！所以紅蘿蔔真係對子宮健康好好，大家平時就唔好揀飲擇食啦～

Photo from Pinterest

# 高鈣食物

鈣質對女性非常重要，唔單止會影響到骨骼健康，更有研究發現每日攝取高鈣食物嘅女性，會比攝取較少嘅女性，減少46%患上卵巢癌嘅機會！多食高鈣食物，更能有助緩解子宮疾病，常見嘅高鈣食物，就好似牛奶、海帶、豆腐及雞蛋等，大家記得要多食啦！

Photo from Pinterest

Photo from Pinterest

# 堅果

堅果嘅營養價值高，因為它有豐富蛋白質、維他命E、微量元素，呢啲成份都有修復子宮創傷嘅作用，而且美味可口唔少女生都鐘意食，不過核桃、花生、開心果等堅果，其實含有大量油脂，所以大家喺食嘅時候一定要適量，如果唔係就好易會導致肥胖！

Photo from Pinterest

# 性溫＋豐富維生素水果

女仔唔好食咁多寒涼野，如果鐘意食水果，其實可以多食溫性水果，例如：蘋果、香蕉、櫻桃同埋提子，而且水果入面含有大量維生素，可以溫補內臟，調節內分泌，幫助女性減少患上子宮肌瘤同埋卵巢癌嘅機率。

Photo from Pinterest

Photo from Pinterest

# 富含葉酸的食物

有瑞士研究人員發現，經常食含有葉酸食物嘅女性，患上子宮癌嘅機率會比少食葉酸食物嘅女性低74%，所以葉酸食物可以大大降低子宮卵巢癌嘅發生率。如果大家想補充葉酸，可以食多啲綠色蔬菜、柑橘類水果同埋全穀類食物。

Photo from Pinterest

Text：TopBeauty Editorial