成日瞓瞓下教紮醒？每個時段醒都有其原因，凌晨3點是因為近日心情抑鬱、5點代表壓力爆煲！

你有無成日夜晚瞓瞓下都差唔多時間突然驚醒？你或者會以為只係偶爾瞓得唔好、或者係壓力大，但原來紅常同一時間驚醒係代表住你身體嘅一啲警號，有住唔同意義～

Photo from Pinterest

常在 21:00 - 23:00 時段醒過來......

番工番學要咁早起身，好多人都會揀喺晚上九點至十一點呢段時間瞓，不過如果你喺呢段時間睡瞓著但又好快醒番，咁就係因為你身體入面嘅荷爾蒙喺到作祟啦！

Photo from Pinterest

你嘅腦入面，大概仲係喺到回想今日所發生過嘅事情、又或者正思考聽日會遇到嘅麻煩同埋挑戰，都因為腦袋不斷思考，而令潛意識入面壓力太大而驚醒。另外，飲食唔定時或者太夜食飯都有關係。

Photo from Pinterest

唔想成日瞓瞓下醒嘅話，可以試下瞓上床之後就開始放空，唔好諗其他事、都唔好玩手機，等大腦可以盡快進入放鬆狀態～

Photo from Pinterest

常在 23:00 - 01:00 時段醒過來......

如果你經常喺呢段時間驚醒，代表你對宜家嘅生活有失望同埋怨恨嘅感覺～因為膽囊同主宰情緒有關係，呢段時間正正係膽囊分解脂肪嘅時候，所以你會醒，好可能係因為你對生活感到不安、無力。

Photo from Pinterest

常在 01:00 - 03:00 時段醒過來......

凌晨一點至三點鐘呢段時間係身體排毒、自我修復嘅時間，如果你經常喺呢段時間瞓醒，即係代表你可能遇上咗太多令你覺得憤怒、生氣嘅事，令你嘅情緒變得相當負面！如果你呢個時候驚醒，養肝時間就會被擾亂，最後更有可能會導致睡眠質素差，甚至會失眠～！

Photo from Pinterest

常在 03:00 - 05:00 時段醒過來......

如果你經常喺凌晨三至五點鐘呢段時間醒，代表著你最近心情可能有啲抑鬱，都有啲哀傷。或者係你遇上一啲令你影響情緒嘅事，使你潛意識感到絕望同悲觀，所以瞓得唔好～

Photo from Pinterest

常在 05:00 - 07:00 時段醒過來......

飲食唔均衡、太夜食飯都係呢段時間經常醒嘅原因～又有可能係因為你有消化不良等腸胃問題，令你瞓得唔好！除此之外，都有可能係因為你嘅壓力無辦法宣洩，所以失眠～！

Photo from Pinterest

如果你都正係受住失眠、驚醒嘅困擾，快啲睇睇自己醒嘅時間醒到底代表住咩原因啦～對症下藥改善睡眠質素，先可以keep住靚嫁！

Text: Girlslike Editorial
Photo Source: Pinterest
Source: healthycures