離婚壓力致胖16kg！日本女醫生自創減肥法，讓她半年內變回纖瘦美女～！

想減肥你一定會聯想到要捱餓或者辛苦做運動，其實只要飲食習慣好，就算唔使做運動同捱餓，都一樣可以成功減到肥㗎！以下呢位日本女醫生單改變飲食習慣，就令到佢喺半年內瘦咗16公斤，而且仲唔反彈添！

呢位女醫生叫做日比野佐和子，佢因婚姻亮起紅燈的壓力而暴飲暴食，結果令佢體重飆升至69kg，兩年內肥咗16kg，而且影響埋健康，令佢決心要減肥！

佢冇採用一般節食或狂做運動嘅方法，而係以一日食5餐以控制血糖嘅方法健康減重，以下係佢一日嘅餐單～

呢個方法會將一日進食量分成5份，令身體唔會處於飢餓狀態，日本女模後藤聖菜跟著這「一天5餐減肥法」減肥，也能成功在3星期內減掉了8.8kg！

第1餐 - 早餐

時間：7：30

餐單：香蕉乳酪、番茄奄列

減肥一定唔可以唔食早餐，因為空腹太耐會令血糖上升，使脂肪容易積聚～食香蕉乳酪同番茄奄列可以補充足夠能量，番茄有助於降低血糖同中性脂肪，對減肥非常有幫助！（小提示：蕃茄煮熟咗營養最易被吸收）

第2餐 - 小食

時間：10：30

餐單：堅果5 - 6顆、蔬菜棒

太早食早餐臨近中午就會肚餓，呢個時候食幾粒堅果同蔬菜可降低肌餓感，除咗可以避免血糖飆升外，仲可以防止中午進食過量，同時又能補充蛋白質同膳食纖維，一舉兩得！

第3餐 - 午餐

時間：13：00

餐單：牛油果沙律、甜椒炒香菇、糙米番茄咖哩

中午可以食得豐盛一啲，以儲足力氣應付一整個下午嘅工作，沙律加蔬菜有助提升飽足感，而糙米則係低GI碳水化合物，比白飯同粉麵更有助減肥～

第4餐 - 下午茶

時間：16：30

餐單：燕麥片

臨近放工通常又會再次肚餓！呢個時候可以食一碗仔燕麥片，佢含大量的水溶性膳食纖維，可以幫助促進腸胃蠕動，有效改善便秘同排出毒素！

第5餐 - 晚餐

時間：19：30

餐單：蕎麥麵、蔬菜、雞蛋

晚餐最好要食得清淡，因為夜晚新陳代謝率會減低，食過量會令脂肪積聚，而且加大腸胃負擔！蕎麥麵、蔬菜、雞蛋可以同時補充蛋白質同纖維，而且低卡又飽肚！

Text：GirlsLike Editorial

Photo source：Pinterest