日日以茶當水飲好傷身！可能係貧血元凶，飲過量隨時便秘生腎石～！

By joycecheung on 17 Apr 2019

聽人講話飲水好處多，但水淡而無味真係唔係個個鐘意飲！身邊有女性朋友怕肥，唔想飲含糖飲品但又唔想飲水，每日以茶代水咁飲，以為無糖茶低卡無脂肪好健康？長期當水飲唔單止令牙齒變黃，甚至導致貧血、生腎石等疾病！愛美愛健康嘅你一定要留意～！

Photo from Pinterest

無論係鳥龍茶、綠茶、紅茶或抹茶其實都有咖啡因存在，咖啡因雖然有提腦提神功效，但其實係女士剋星！咖啡因會阻礙鈣質、鐵質吸收，鈣質對女士有幾重要相信大家都好清楚，鈣質唔夠會導致骨質流失，到將來四、五十歲時會容易有骨質疏鬆問題！鐵質係製造血紅素嘅主要元素，如果唔夠鐵質會導致貧血問題，出現頭暈、頭痛、臉色蒼白、疲倦、體力變差等問題，更有可能會影響日常生活！

Photo from Pinterest

人一日最少要飲用8杯水，但當中不計算任何茶類的！茶裡面除咗含有咖啡因，還含有茶鹼、單寧酸，如果將茶飲當水喝，可能會令體內呈缺水的狀態，令腸道內的糞便又乾又硬，久而久之造成便秘問題！很多女生都知道便秘係多麼淒慘嘅事吧，小腹凸起連貼身裙都穿不了啊！

Photo from Pinterest

唔單止去唔到廁所，皆因茶係高草酸飲品，長期飲茶唔飲水仲會加強患腎結石嘅風險！唔好以為茶係用水開出來就等於飲水，除咗飲茶外仲要補充一日所需水份的啊～！

Photo from Pinterest

茶唔係唔可以飲，但要飲得健康！跟住以下方法做就啱啦～

1.經期時記得減少飲茶！因茶會影響鐵質吸收，鐵質可以製造血紅素，加上經期期間會流失不少鐵質，有幾會患上缺鐵性貧血！
2.進食時不要配茶！很多女生喜歡食飯時配奶茶、檸檬茶，但茶會阻礙鐵質吸收，令你吸收唔到食物中嘅營養！從聽日起培養好「吃飯不飲茶」嘅習慣，最好飯後1-2小時才喝，面色都會紅潤啲！
3.不要以茶代水！好多人朝早一杯奶茶，中午一杯檸檬茶、晚上一杯水果茶，不知不覺間每天最少喝三杯茶！提醒自己每天一杯起兩杯止，如果套餐包飲品的話就選擇檸檬水吧～
4.不要喝隔夜茶！好多人話隔夜茶會致癌，其實沒有科學研究指出過，但若果茶放室溫會容易變壞，而且營養經過一晚都已經流失，可以的話盡量喝新鮮沖泡的茶吧！
5.不要喝樽裝茶！好多人貪方便每日買一枝樽裝茶，但市面上樽裝茶其實添加唔少化學物質，例如穩定劑、色素等等，想健康的話還是自行用茶葉沖泡吧！