上班焦慮症救星！5大類解壓開心食物，健康低卡多吃也不怕，不要再吃垃圾食物了～

By joycecheung on 23 Apr 2019

放完難得一連四日嘅連假，相信每個打工仔都接到唔到要返工嘅現實，下一次連放四日已經要等到下年農曆新年了！只能說「Holiday我真係好愛你」（哭）香港人每日面對排出倒海嘅工作，壓力非常之大，相信係其中一個唔願意返工嘅原因，有得揀邊個會想返工呀⋯⋯不過你仲有得揀嘅！就係揀食啲咩令自己開心啲～以為食雪糕炸雞等垃圾食物會令自己開心？其實咁樣只係間接放棄自己，5大類健康開心食物可能幫到你解壓之餘，食多多都唔怕身材走樣～！

Photo from Pinterest

1.深綠色蔬菜

深綠色蔬菜含有豐富葉酸，有助身體釋放令人心情愉快嘅神經遞質，包括血青素和多巴胺～有研究指出，多攝取葉酸有助降低患上抑鬱症嘅機會！深綠色蔬菜例子有西蘭花、羽衣甘藍、菠菜，其中羽衣甘藍近年更被譽為「超級食物」，蘊含大量胡蘿蔔素、維他命C、E、K等營養素，當中嘅葉綠素更有效對抗乳癌、卵巢癌等疾病，大量維他命C更可以修復受損細胞，有美肌抗氧化功效，女士多吃無妨！

Photo from Pinterest

2.高脂肪魚

三文魚、鱒魚、鯖魚、沙甸魚均為高脂肪魚，當中含有豐富奧米加3，可以加強認知能力，當中嘅維他命D可以改善抑鬱，更有效降低患上焦慮症等情緒病嘅風險！一星期建議可以食一至兩餐脂肪魚紓緩平日的生活壓力～

Photo from Pinterest

3.含豐富維他命的C水果

橙、士多啤梨、藍苺等水果含大量維他命C，有助身體產生安多酚，每人放鬆心情～士多啤梨和藍苺含有花青素，係一種天然抗氧化劑，除咗可以消除健康大敵「自由基」，更有助腦部產生多巴胺，可改善協調力、記憶功能和情緒～！

Photo from Pinterest

4.堅果

堅果類如合桃、開心果、巴西堅果、腰果含豐富維他命B、蛋白質及硒，有研究指出硒對情緒控制有正面影響，當中巴西堅果更係含有最多硒嘅堅果，每100克含有1917微克硒，比生蠔高22倍！另外腰果能提供人體每天所需要嘅「鋅」含量，如果人體缺乏鋅會導致焦慮和心情低落～堅果類含高不飽和脂肪，係屬於好嘅脂肪類，所以多吃也不怕～