小編實試3款人氣底妝 跟你膚質找出命定粉底
夏天殺到嚟喇，大家㨂好心水底妝未呢！今次小編搵嚟今季人氣大熱、三款唔同質地嘅底妝產品，一於根據膚質搵出屬於你嘅命定粉底啦！
MAKE UP FOR EVER
MATTE VELVET SKIN BLURRING POWDER FOUNDATION HK$380 / 全十色
要數到今季大熱底妝，不得不提嘅係韓國一推出已經瘋搶嘅柔霧空氣粉餅。主打羽毛般輕盈無重妝感嘅粉餅同時具備相當唔錯嘅遮瑕力，油性至混合肌嘅女生都啱用，一上面皮膚即時細滑咗。配備嘅黑白雙效海綿，白色天鵝絨面可以打造透薄霧面妝效，想遮瑕力再強啲就可以用黑色乳膠面！
加上佢另一個大賣點係極級防水！！小編試過用水淋佢都無事，夏天要進行戶外活動又或者出街補妝都好方便！
GIORGIO ARMANI beauty
POWER FABRIC COMPACT HK$590 / 全八色
GIORGIO ARMANI嘅皇牌底妝Power Fabric又有驚喜力作，今次霜狀粉底最新配方用上「雙重轉化質感」，一抹嘅時候係乳霜狀，但一上到面就會轉化成粉狀。可以話係奶油嘅質感，但有啞緻嘅妝效，夏天用都唔會有黏笠嘅感覺！
而且有中高度遮瑕，基本上一層已經可以遮到基本瑕疵，即使遇到要補妝嘅時候，重覆塗抹都唔會有卡粉嘅情況。
M.A.C
STUDIO FIX FLUID SPF15/PA++ FOUNDATION SKIN BALANCING COMPLEX HK$360 / 全24色
今年再度推出更多色號嘅M.A.C霧鏡粉底，一共有24種色調，要㨂啱膚色就更加方便！而呢款粉底液勝在質地透薄，減少底妝對肌膚嘅負擔，同時能令皮膚做到水油平衡，乾肌嘅朋友都唔會因為皮膚乾燥而導致瘋狂出油嘅情況，令效妝更加持久！
雖然係液狀質地，上面初頭會有水感光澤，但好快就會化成柔霧妝效，唔係好使用碎粉都有定妝作用！
Text：TopBeauty Editorial
