醫生：長期捱夜1年可肥10kg，從今起用「正確睡眠法」，1個月搣走1kg肥肉～
自問明明有做運動，食得唔算油膩，但體重仍然係有增無減？當然，我哋唔排除係因為新陳代謝減慢，令脂肪囤積。但有另一個可能性就係你「經！常！捱！夜！」香港人，有邊個真係會12點準時上床瞓教瞓足8個鐘？日本有醫生指出，長期捱夜會令脂肪難以被分解，長期咁夜瞓有機會1年肥10kg～
Photo from wongmanyik @ ig
醫生同時指出，只要瞓得好，就算唔節食、唔做運動，身體都可以自動瘦下來！聽上去係咪好吸引呢～有關研究指出，單係一晚嘅「正確睡眠」，可以分解嘅脂肪就已經等於慢跑一小時，真正係瞓住瘦！
Photo from wongtsuiyu @ ig
醫師左藤桂子喺刊物提出，所謂「正確睡眠」意思係運用「7：3：3原則」，首先係「瞓7個鐘」、其次係「啱啱入睡頭3個鐘唔可以被打斷睡眠」，最後係「凌晨3點必須係深度睡眠狀態」。另外，「正確睡眠」都要有良好嘅生活習慣配合，比如係瞓前避免做劇烈運動、飲酒、玩電話，以上只要堅持實行一個月，就可以成功減去1kg！
Photo from wongmanyik @ ig
「正確睡眠」並唔係毫無根據架！左藤桂子指出，「7：3：3原則」可以成功瘦身係因為身體會受到可以分解脂肪嘅「生長激素」影響，如果夜瞓、睡眠質素差、都會減少生長激素嘅分泌架！久而久之身體就會愈嚟愈肥，情況嚴重嘅話，1年真係會暴升10kg 體重！從今起再見夜生活吧～
Text：Topbeautyhk Editorial
Source: 《生理時鐘睡眠瘦身書》
