快叫身邊的朋友減肥吧！研究：肥胖會傳染，身邊肥朋友愈多就愈易肥～

By Aisa on 23 Aug 2019

變肥有好多原因，可能係因為飲食，或者因為缺乏運動等等，但原來有發現指肥胖仲會傳染，真係防不勝防呀！美國南加州大學指出肥胖係可以「傳染」，而且身邊肥嘅朋友愈多，自己就愈容易肥。所以，為咗你自己同朋友嘅健康同外觀著想，如果你身邊有肥朋友，快啲叫佢減肥啦～

南加州大學喺全國38個軍事基地招募美軍家屬參加研究，根據社會環境、飲食及生活習慣分析咗當中 1111 名兒童同埋家長，發現如果小朋友嘅父母同肥胖嘅人一齊工作的話，長胖嘅機率會大大提高，肥胖率增加一個百分點，青少年超重或者肥胖嘅機率就會上升 4 %到 6 %。

Photo from Pinterest

而身邊朋友嘅肥胖率每增加一個百分點，你超重或者肥胖嘅機會就會增加6%。即係假設你有100個朋友，每多一個朋友變肥，你肥嘅機會就會增加6%。

Photo from Pinterest

但肥胖唔係一個病，點解又會有傳染性呢？Ashlesha認為，背後原因係社區朋友之間嘅互相影響：「人會潛意識仿傚身邊的人，如果你周圍的人都不做運動，那麼你都不會做運，換言之，在他們越來越胖的同時，你都會越來越胖。」

Photo from Pinterest

美國南加州大學嘅Dr. Ashlesha Datar發現，好多人下意識會被身邊朋友嘅行為所影響，如果你搬到肥胖率較高嘅地區，都會增加你變肥嘅風險，點解會咁樣？我地舉個例，如果身邊嘅朋友都唔鐘意運動，久而久之你就會懶得運動，大家就會一齊變胖，呢個互相影響嘅現象被稱為「社會影響」（Social Influence）。