另類減壓方式！研究：洗碗流水聲似大自然—有效穩定情緒和減壓、碗碟亮麗會加強「成就感」！

香港人生活壓力大，聯合國2018年發表「2018全球快樂報告」，155個國家同地區中，香港排名只有76位，對於一個已發展嘅繁榮城市嚟講，呢個數字反映香港人平均雖然算係豐衣足食，但確實唔太滿意咁大壓力嘅生活。想紓壓，唔少人會選擇做運動、睇戲、聽歌......從今以後你仲有多一個唔洗出家門，而且勁方便嘅減壓方法！美國佛羅里達州立大學一項研究指出，專注洗碗可以將焦慮情緒減低27%，難怪全球首富Bill Gates同Amazon創辦人Jeff Bezos都鍾意洗碗～

Photo from from Pinterest

研究人員係美國佛羅里達州立大學搵咗51位學生，並將佢哋分成兩組去洗碗。洗碗前，兩組人分別會獲得兩張唔同嘅字條—第一組只有精簡嘅洗碗指示，然後讓佢哋「隨心隨意」咁洗碗；而第二組就寫滿洗碗時如何消除焦慮嘅指示，針對一個人洗碗時嘅心理狀態，包括提醒佢哋要用心感受碗碟觸感、洗潔精嘅香味同水溫。

Photo from from Pinterest

獲派一張字條。第一組只有精簡的洗碗指示，然後放任他們隨意洗碗。第二組則寫滿洗碗如何消除焦慮的指示，針對一個人洗碗時的心理狀態，希望他們用心感受碗碟觸感、洗潔精的香味和水溫。

研究員發現，當人專注於聞香皂氣味、感受水溫同觸摸碗碟時，壓力荷爾蒙會明顯下降，靈感會提升25%，焦慮情況減少足足27%！而另一邊廂，無專注洗碗嘅一組，情緒上就無任何變化。

Photo from from Pinterest

日本神經專家小林弘幸指出，有三點可以幫助大家喺洗碗時減壓：

1. 接觸到流水

當雙手接觸到流水，負責放鬆嘅副交感神經會被活化。同時，聽到流水聲，會令大腦製造錯覺，令人覺得自己好似身處大自然一樣。自律神經嘅起伏都變得有規律，令情緒變得穩定。

Photo from from Pinterest

2. 簡單而有規律

洗碗動作簡單而有規律，跟人嘅脈搏、心跳、呼吸同樣具有節奏感，可以令腦部放鬆，自律神經同內分泌系統都可以因此平穩落嚟，降低壓力荷爾蒙濃度。

Photo from from Pinterest

3. 得到「成就感」 

經過一輪嘅洗碗後，碗碟變得乾淨亮麗，可以令我哋獲得微小嘅「成就感」，心情亦自己會有「成就達成」嘅滿足！有外媒就曾經報道，作為全球前首富Bill Gates 喺屋企就樂於做洗碗工，跟屋企用膳後就會將所有碗碟洗得乾乾淨淨～洗碗既然咁紓壓，就要留番畀番工壓力大嘅咋一半做喇～（笑）

Photo from from Pinterest

Text：TopBeauty Editorial

Photo Source：Pinterest ，instagram