妹妹瘦是家姐的功勞，姐姐天生註定較易肥！研究發現：第一胎出生更易肥

By Aisa on 30 Aug 2019

一個追逐夢想的女生，深信未來是屬於相信心中美夢的人。

你身邊嘅親姊妹，身型係相似定係完全唔同？有唔少人都覺得姐姐會比妹妹肥，呢個講法原來係有根據嫁！有外國研究指出，首名出生嘅女嬰剛，出生嘅時候會較輕，但長大同埋懷孕之後會變肥，而首胎女嬰嘅BMI指數平均會比妹妹高2.4%，仲有可能會超重或者癡肥～

外國媒體《流行病學與社區健康雜誌》（Journal of Epidemiology & Community Health）上刊登嘅研究指出，姐姐比妹妹更易肥。研究人員用由1973年起喺瑞典出生登記嘅數據分析超過1.3萬對姊妹，測量佢地嘅身高同埋體重，並了解健康狀況、生活方式以及家族史。

Photo from Pinterest

結果指出，姐姐喺出世嘅時候，體重多數比妹妹輕，不過長大之後，BMI就比妹妹高2.4%。研究同時又發現，姐姐比妹妹超重嘅機率高出29%，而肥胖嘅機率都比妹妹高40%。

Photo from Pinterest

點解會產生呢個現象呢？奧克蘭大學教授就解釋，指媽媽第一次懷孕嘅時候，為胎兒提供營養嘅血管會比較薄，所提供嘅營養會比較少，令胎兒往後脂肪囤積嘅風險更高。

Photo from Pinterest

而紐約Lenox Hill醫院體重管理中心就表示，環境可能係最重要嘅因素之一，發現唔少新手父母都會對第一胎較為用心照顧，母親懷孕時可能會進食過量，懷孕後亦有機會會過度餵食嬰兒，間接影響到小朋友嘅飲食習慣。然而，當父母們有第二胎時，佢地已經知道要如何照顧小朋友，唔會再過度餵食同埋保護，咁樣可能會令佢地食啲少。