美國雜誌列出「皮膚科專家總結的11種美膚食物」吃出來的凍齡肌膚！
唔少女性成為媽媽之後，或者為工作奔波，就會懶於保養，但護膚其實係女人嘅終身職業，每個人只有一張臉，唔好到老來先後悔當初無好好打理。而日常我地除咗靠使用保養品去保持肌膚最好狀態，內服亦係相當重要，只有雙管齊下先能夠養出最好嘅肌膚。美國《預防》雜誌就列出咗皮膚科專家總結出來嘅11種有益皮膚食物，姊妹們快點記下來吧！
# 保護膠原蛋白
蕃茄
小編平時其實很喜愛食番茄，它當中的茄紅素可以保護到皮膚內的膠原蛋白，有助撫平皺紋及抗氧化！如果那陣子比較常吃，肌膚亦會變得比較細嫩光滑，食蕃茄更可以減淡黑眼圈，簡直就是愛美女性的恩物，而煮熟後食的效果會更佳，茄紅素能更易吸收。
Photo from Pinterest
士多啤梨
士多啤梨除咗好味，多食仲可以令皮膚更靚！裡面嘅維他命C可以促進膠原蛋白長成，會令到肌膚更加光滑有彈性，雖然有好多唔同款式嘅士多啤梨食品，就好似奶昔同奶酪，但其實成粒完整食先係最有益，
Photo from Pinterest
#促進細胞代謝
羅馬生菜
只要食6片羅馬生菜葉，就可以為我地身體提供到1日所需嘅維他命A，而當中嘅鉀可以促進血液循環，令增加皮膚養分。
Photo from Pinterest
# 抗氧化
蘋果
成日聽人講要食多啲蘋果，原來蘋果對女性非常好！蘋果皮中嘅抗氧化劑槲皮素，可以保護肌膚免受紫外線嘅傷害，所以要經常戶外活動嘅女仔，不妨多啲食蘋果啦！
Photo from Pinterest
黑朱古力
黑朱古力入面嘅可可嘅脂肪可以促進血液循環，令皮膚更加柔軟、光滑同埋滋潤。而聖地牙哥州立大學運動營養科學副教授Mee Young Hong博士亦都解釋可可脂肪入面嘅黃酮醇係具有抗氧化同埋抗發炎嘅特性。
Photo from Pinterests
全穀食物
全穀類食物裡面嘅抗氧化劑可以保護皮膚，我地身體嘅自然抗氧化劑其實會隨住年齡增長而減少，不過可以通過飲食去補充，所以愛美嘅你一定要多食啦！
Photo from Pinterest
# 抗紫外線
雞蛋
雞蛋入面含有豐富嘅葉黃素同埋玉米黃素，可以令人體抵抗紫外線能力提高4倍。
Photo from Pinterest
初榨橄欖油
初榨橄欖油所含嘅必需脂肪酸（EFAs）能夠有助防止紫外線傷害皮膚，及有助皮膚保濕，建議每日攝取1湯匙橄欖油。
Photo from Pinterest
# 保持皮膚彈性
杏仁＋合桃
杏仁可以提高維他命E，抑制皮膚衰老，防止色素沈澱。而合桃裡面就含有豐富嘅亞麻酸，可以滋潤皮膚，保持皮膚彈性。不過要注意一點係，果仁嘅脂肪比較高，如果過量食用會增加體重。
Photo from Pinterest
# 改善皮膚鬆弛
豆腐（黃豆類食品）
黃豆入面大豆異黃酮嘅含量高，係一種植物性嘅 天然雌激素。因為可以改善皮膚鬆弛，所以非常適合三四十歲婦女食用，雖然有人會擔心大豆異黃酮素會刺激腫瘤增生，不過《美國醫學會期刊》喺2009年已經發表過研究，明確地指出黃豆類食品對乳癌病人係安全。
Photo from Pinterest
Text：TopBeauty Editorial
