研究已證實：每日1茶匙薑黃等於運動3次！美國人熱推冬日養生薑黃奶通經、抗氧化

成日聽「黃金牛奶」，到底係咩？其實就係近年受外國人歡迎嘅薑黃奶，營養價值非常高，風靡歐美澳咖啡店！佢可以有效抗衰老、護心、止痛、通經、防癌等等。仲有研究指出，每日吸收一茶匙嘅薑黃，功效就等如做3次運動，咁勵害嘅養生飲品，今個冬日當然唔可以錯過啦！

「黃金牛奶」（Golden Milk），又叫「薑黃奶」。薑黃本身就可以製成傳統香料，色澤金黃色，有濃烈氣味。將薑黃加入牛奶中，成為黃金牛奶，呢款主打保健功效嘅飲品好受外國人歡迎，有美國權威醫生— Dr. Joseph Mercola 指出，薑黃成份係好有效嘅抗炎藥物，包括有抗菌活性同抗癌特性。

Photo from from Pinterest

3大功效：止痛、通經、增強免疫力

＃1 抗氧化

薑黃素有極強的抗氧化功效，可抑制破壞身體細胞的自由基，減慢身體細胞老化，即是可以延緩衰老，間接對預防老人癡呆症亦有幫助。

Photo from from Pinterest

＃2 通經

喺中醫角度去睇，薑黃可以行氣活血，加速傷口癒合，更有通經之效。由於薑黃奶中嘅薑黃係「類雌激素」的一種，有抗炎止痛功效，由於薑黃可以促進子宮嘅血液循環，能夠減低女性嚟M時嘅不適感。

Photo from from Pinterest

＃3 減低患上慢性／炎症疾病

薑黃素可以抑制血小板聚集同血栓形成，減低患心血管疾病的風險，同時有助抑制引起身體發炎，減低患上與發炎相關嘅慢性疾病機會，例如心血管疾病、過敏症、關節炎等。

Photo from from Pinterest

每日1茶匙= 運動3次

健康資訊網站 Greenmedinfo 曾刊登研究文章，指出每日只需飲一茶匙的薑黃，功效就等如一星期做咗3次60分鐘嘅運動，可以降低心臟病發風險，令血管維持健康！

Photo from nwuuu ＠ ig

一項為期8周、有32名停經後婦女參與嘅實驗入面，研究人員將所有人分成「薑黃組」同「運動組」。薑黃組每日都會食大約1茶匙嘅薑黃，而運動組則係進行了一星期2-3次、每次30-60分鐘嘅有氧運動、踩單車或是步行訓練。

Photo from from Pinterest

研究人員發現，薑黃組跟運動組喺血管內皮功能方面都有顯著嘅進步。更重要嘅是，呈現出來嘅結果幾乎相同！咁就這證明每天攝取薑黃跟每日運動具有同樣效果。

Photo from from Pinterest

美國人熱捧年度之冠 － 薑黃

Google Food Trends 2016報告指出，美國人喺2014至2016年間，對薑黃好有，成為最多人搜尋嘅食物之一。而很多人都在社交網站上分享以薑黃製成嘅 Golden Milk (黃金牛奶) 。

Photo from from twitter

由於薑黃素唔容易被人體吸收，但如果將薑黃混合脂肪類嘅食物，例如全脂牛奶一齊喝，食療效果就可以大幅提升。

Photo from from twitter

＊＊＊＊黃金牛奶食譜＊＊＊＊

所需材料如下：

牛奶———————–2杯

薑黃 粉——————–1小匙

薑泥———————– 1小匙

黑胡椒———————少許

蜂蜜————————依個人喜好作加減

Photo from from Pinterest

製作方法：

＃1 先將所有材料（除蜂蜜外）放入鍋中以慢火煮，並攪勻。

＃2 鍋內牛奶起細氣泡時，就較至細火，攪拌2分鐘，唔需要煮至沸騰。

＃3 熄火後，放置10分鐘。隔渣後會更易入口。

＃4 按個人喜好添加蜂蜜，攪拌後即可享用。

Photo from from Pinteres

注意：懷孕、熱氣者不宜食薑黃！

由於薑黃嘅性質偏溫熱，如果你屬於熱底體質、或者容易熱氣上火、成日熬夜，就唔適宜食太多。另外，薑黃有活血同收縮子宮作用，孕婦過量攝取薑黃有機會會導致流產，因此懷孕者都要避免飲用。按重量比例計算，每塊黃薑薑黃素含量一般唔多於5％，加上本身不易被人體吸收，要達至上述保健效果，大家只宜當薑黃係輔助成分，畢竟健康飲食和生活習慣才最重要啊！

Text：TopBeauty Editorial