減肥要避吃這些食物～Haylie Pomroy營養師告訴你，這樣可以加快新陳代謝成功減肥！

減肥不只是只減少身體吸收嘅熱量就可以，更要令到身體保持足夠嘅新陳化謝率，注意飲食，經常運動，可以令身體擁有高新陳代謝率，才可以有足夠能量去燃燒食物熱量～

而美國營養師Haylie Pomroy  《The Fast Metabolism Diet》著作入面指出，如果你想令身體新陳代謝更加快速，就要記得暫時放棄呢8種食物

1.小麥

小麥本身含有麩質 (gluten)，所以會比較難消化，而身體都好難吸收佢嘅營養～小麥仲會導致發炎、胃脹，亦都會令到身體水分囤積，引致水腫，又會令身體更易疲勞，減慢身體新陳代謝～

Photo from from Pinterest

2.粟米

粟米雖然擁有豐富纖維，但佢係新陳代謝嘅大敵之一，仲會降低卡路里運用率，令到胰臟功能退化～宜家嘅粟米大多都已經被基因改造，反而變成糖嘅儲存庫，促使白色脂肪形成，不利於身陳代謝

Photo from from Pinterest

3.芝士

芝士同唔少乳製品都一樣，含糖、脂肪同蛋白質，進食之後會容易令到身體疲倦，而且不利身體新陳代謝嘅修補過程～而且乳製品會刺激性荷爾蒙，令新陳代謝停滯不前，有礙瘦身

Photo from from Pinterest

4.黃豆製食物

黃豆含有植物性雌激素，呢啲雌激素同身體所製造嘅雌激素好接近，係造成新陳代謝遲緩嘅原因，同時係增加腹部脂肪嘅元兇之一～所以喺減肥嘅時候，絕對唔適宜多食

Photo from from Pinterest

精緻糖嘅消化時間短，GI值較高，會令到身體快速吸收，增加胰島素分泌嘅負荷～好容易因為攝取過多熱量而導致肥胖，同時亦有好多研究指出，精製糖同體重增加以及有關新陳代謝方面嘅疾病之間存在關連，除咗不利於減肥，亦都對身體會有不良影響～

6.咖啡因

雖然咖啡同咖啡因可以有助降低食慾、都可以燃燒脂肪，有利減肥～但效果唔持久，只要一回復正常飲食，減走嘅體重就會番返嚟，甚至會比原來體重更多

Photo from from Pinterest

同時，咖啡因仲會令到腎上腺受壓，腎上腺都可以幫助調節腎上腺皮質產生嘅一種類固醇類激（醛固酮嘅元素），用嚟控制脂肪代謝、調控糖嘅儲存同埋肌肉發展嘅荷爾蒙，如果攝取太多咖啡因，亦都會對新陳代謝有一定影響

7.酒

酒除咗會對肝臟造成負擔之外，酒精所含嘅糖分亦都好高，喺血液入面好快會轉化為糖～而且人喺飲酒之後，肝臟會處於解毒狀態，無辦法及時去分解同消耗食物入面嘅熱量同營養物質，令到新陳代謝減慢，減少體內燃燒脂肪嘅能力，影響減肥～

Photo from from Pinterest

8.乾果和果汁

葡萄乾、小紅莓乾、杏桃乾等嘅乾果糖分太高，纖維亦都好易分解，令糖分太易傳送到血液入面，令血糖水平大幅增加，令到身體把過量的糖儲存到脂肪細胞，同樣會減慢身體新陳代謝

Photo from from Pinterest

Text: TopBeauty Editorial