養顏又為你荷包慳錢！這6款平價食物的美容效果堪比燕窩，讓妳皮膚白滑光澤～！

就來轉季，相信好多人都會開始認真保養以免皮膚過敏，唔少人會燉燕窩食或煲花膠湯飲，但呢幾種食物動不動要價上千元，有點兒太貴啦！以下6種平價食物嘅美容效果一啲都唔會輸比花膠燕窩，快啲跟著買來食，做個聰明又慳到錢嘅好女人～！

1.雪耳

雪耳一向被視為「窮人燕窩」，又便宜又養顏！雪耳含豐富營養如高蛋白質和氨基酸，可滋陰潤肺、促進新陳代謝以及養顏。佢可以保持皮膚光滑、彈性同減少皺紋，因為雪耳含黏多糖成分，能幫助身體產生骨膠原，皮膚自然水噹噹～！

2.綠茶

綠茶含兒茶素、茶多酚、咖啡因同多種礦物質，可抗氧化及有助清除身體中引起老化嘅游離基，令皮膚光澤水潤。而綠茶中的咖啡因則可促進身體燃燒體內能量和脂肪。當中兒茶素和茶多酚唔止有效延緩衰老，更有助對抗UVB紫外線帶來嘅損害，減少皮膚曬傷後發炎機會。

不過要注意綠茶中嘅咖啡因可引致失眠，要盡量避免晚上飲用綠茶，而且佢性質較寒，體寒嘅人亦唔適合多飲用～！

3.西蘭花

西蘭花中富含類胡蘿蔔素、葉黃素、玉米黃質、鈣、各種維他命、膳食纖維同蛋白質，有助抗氧化防衰老、防止骨質疏鬆同防止便秘，而佢當中亦有豐富蛋白質，多食可以美顏同幫助修身～！

4.蕃茄

番茄富含茄紅素、維生素C、膳食纖維等營養，其中茄紅素抗氧化功能好強勁，可以減少身體嘅氧化傷害，達到抗老化功效，膳食纖維則有益腸道，幫助控制食慾有助減重！

提提大家，番茄加熱以後會釋放更多茄紅素，更有美容效果，用嚟整蕃茄湯、蕃茄炒蛋等又營養又健康～！

5.藍莓

藍莓含有豐富維他命C同花青素，而花青素係一種非常好嘅抗氧化物，可護眼之餘，更有助消炎同抗氧化，另外可以鞏固肌膚嘅膠原蛋白、增加皮膚彈性，非常抗老化！

藍莓仲係公認十大「超級食物」其中一種，營養豐富又便宜～！

6.黑豆

黑豆含豐富抗氧化元素維他命E、花青素、異黃酮、寡糖，以及食物纖維，呢啲成分對美容同保持肌膚年輕都好有幫助㗎！

多食黑豆有效降低因黑色素沉澱所引起嘅色斑問題，另外黑豆嘅纖維含量很高，可以促進排出體內多餘水分及老舊廢物。常見食用黑豆嘅方法有黑豆豆漿、黑豆茶等等。

 Text：TopBeauty Editorial