女生的忍痛能力超乎你想像！醫生證實：經痛痛楚相等於心臟病發，贊成把經痛正式列為疾病

每個月嗰幾日，如果遇著經痛，真係連床都唔想落～不過喺男仔眼中，佢地可能會覺得女仔好誇張，少少痛都忍唔到！但其實絕對唔可以睇少經痛，小則會令女仔全身乏力、腰部疼痛，嚴重上嚟真係會連床都落唔到，甚至會痛到暈低......今次就要為受經痛之苦困擾嘅女仔大平反，因為有研究指嚴重經痛嘅痛楚同心臟病發嘅痛楚幾乎一樣，以後唔好再話我地女仔誇張了！

倫敦大學學院（University College London）嘅生殖健康教授古理伯（John Guillebaud）出咗一項研究，紀錄唔同病人嘅經痛痛楚程度並進行整合，結果發現嚴重經痛嘅痛楚同心臟病發嘅痛楚幾乎一樣！

Photo from Pinterest

Photo from Pinterest

教授亦表示，男人顯然對女人經痛嘅痛楚完全唔了解，成日覺得「女仔就係忍唔到痛，少少痛就要生要死」，佢地往往低估咗女人因經痛而承受嘅痛楚。醫生嘅睇法係，其實經痛就同其他痛症、病痛一樣嚴重，應該要給予適當嘅重視以及治療。

Photo from Pinterest

經痛症狀除咗最常見嘅乏力、腰痛、暈厥等外，其他症狀喺醫學界仲未受到正式研究，醫學界無視經痛為一種疾病，只當係其中一種由月經引起嘅常見現象。

Photo from Pinterest

而喺另一項研究中，發現一個奇怪嘅現象～對比男仔同女仔因為腹痛而等待治療嘅時間，男仔平均係49分鐘，而女仔就係65分鐘。男仔往往都獲得優先處理嘅原因，是因為普遍社會認為女性忍痛能力較低往往會將痛楚或者症狀誇大描述～

Photo from Pinterest

Photo from Pinterest

唔少醫生都紛紛認為應該正式將經痛列為一種疾病，並且替患者作出適當嘅治療，希望呢一日會快啲到來啦！

Photo from Pinterest

Text: TopBeauty Editorial